Në prag të zgjedhjes së programeve të studimit për vitin e ardhshëm akademik, qindra maturantë u bënë pjesë e eventit “UMT Outdoor Fest” në Universitetin Metropolitan Tirana.
Aktiviteti iu dedikua nxënësve për të eksploruar mundësitë e studimit në degët më trend të kohës si inteligjenca artificiale, shkencat kompjuterike, arkitektura, inxhinieria dhe ekonomia.
Rektori Prof. Dr. Nikolla Civici, u shpreh se Universiteti Metropolitan, krahas ekselencës akademike me programet më të kërkuara në tregun e punës dhe kurrikulave bashkëkohore, i kushton rëndësi të veçantë jetës sociale dhe kulturore të studentëve.
Ndërkohë, Dekania e Studentëve Dr. Sonila Daiu prezantoi për të gjithë të interesuarit klubet studentore përmes një programi të pasur aktivitetesh dhe mentorimi nga pedagogët, që zhvillojnë aftësitë ndërdisiplinore të të rinjve.
Në një mjedis inovativ dhe dinamik, UMT ofron për studentët e ardhshëm aktivizimin në klubet studentore, shkëmbim në programet Erasmus+ në universitetet europiane apo zhvillim profesional përmes programit Alumni Mentor.