APLIKO TANI
E-Shërbime
E-Shërbime
Apliko online

SHKOLLAT E DOKTORATURËS

doctoralschool@umt.edu.al

Universiteti Metropolitan Tirana zhvillon kërkimin shkencor dhe formimin e studiuesve të rinj përmes programeve doktorale të orientuara drejt inovacionit, ekselencës akademike dhe sfidave të së ardhmes. Shkollat e Doktoraturës ofrojnë një mjedis bashkëkohor dhe ndërkombëtar, ku doktorantët zhvillojnë kërkim të pavarur, angazhohen në projekte dhe publikime shkencore dhe bashkëpunojnë me studiues e institucione partnere në Shqipëri dhe jashtë saj. Bashkëpunimet me universitete dhe qendra kërkimore në Evropë dhe Shtetet e Bashkuara krijojnë mundësi për mobilitet akademik, projekte të përbashkëta, bashkëudhëheqje dhe, sipas marrëveshjeve përkatëse, diploma të përbashkëta ose të dyfishta. Nëpërmjet këtyre programeve, UMT synon të kontribuojë në zhvillimin e një brezi të ri studiuesish dhe ekspertësh, duke lidhur kërkimin shkencor me inovacionin dhe nevojat e shoqërisë, ekonomisë dhe industrisë.

Inteligjenca Artificiale dhe Sistemet Inteligjente

Fakulteti i Shkencave Kompjuterike dhe IT

Në Universitetin Metropolitan Tirana (UMT), që prej dhjetorit 2021, është licencuar nga Ministria e Arsimit dhe Sportit për ofrimin e programit të doktoraturës në fushën e Inteligjencës Artificiale dhe Sistemeve Inteligjente (AI & SI). Ky program është ndërtuar mbi eksperiencën akademike dhe shkencore të stafit të UMT-së, si dhe mbi bashkëpunimin me institucione shqiptare, rajonale, evropiane dhe amerikane të arsimit të lartë dhe kërkimit shkencor. Shkolla e Doktoraturës synon të krijojë një mjedis modern dhe ndërkombëtar kërkimi, të orientuar drejt zhvillimit të teknologjive inteligjente, inovacionit dhe transferimit të njohurive në sektorë të ndryshëm të ekonomisë dhe shoqërisë. Programi mbështet zhvillimin e kërkimit shkencor të avancuar dhe integrimin e doktorantëve në rrjete akademike dhe profesionale ndërkombëtare.

Arkitekturë e ndërtime të qëndrueshme dhe përmirësimi i standardeve mjedisore

Fakulteti i Inxhinierisë dhe Arkitekturës

Programi i ciklit të tretë në “Arkitekturë e ndërtime të qëndrueshme dhe përmirësimi i standardeve mjedisore”, ofruar nga Fakulteti i Inxhinerisë dhe Arkitekturës. Kandidatët që do të ndjekin programin doktoral do të kenë mundësinë të zhvillojnë aktivitetin e tyre kërkimor me mbështetjen e kolegëve nderkombetare të universiteteve italiane të Politecnico di Torino dhe Politecnico di Bari. Programi i doktoraturës në “Arkitekturë e ndërtime të qëndrueshme dhe përmirësimi i standardeve mjedisore” është konceptuar si një program elitar kërkimor, i orientuar drejt përgatitjes së studiuesve dhe ekspertëve të nivelit të lartë në fushat më të avancuara të arkitekturës, ndërtimit, dhe sistemeve të qëndrueshme. Në këtë program pranohen kandidatë me rezultate shumë të larta akademike dhe me potencial të spikatur kërkimor.

Kohëzgjatja: 3–4 vite doktoraturë ndërkombëtare dhe 3–5 vite doktoraturë kombëtare

Gjuha: Kriter pranimi: njohuri të gjuhës angleze në nivelin B2.

Tarifa e Studimit: Tarifa e Studimit është zero dhe doktorantët përfitojnë një bursë prej 800 euro neto në muaj.

Financimi dhe Statusi i Doktorantëve: Financimi i programit mbështetet nga Universiteti Metropolitan Tirana, programe kombëtare dhe ndërkombëtare financimi, si Ambasada Frabceze ne Tirane, si dhe nga iniciativa të ndryshme të mobilitetit dhe bashkëpunimit akademik. Kohëzgjatja standarde e studimeve doktorale është tre vite, gjatë të cilave doktorantët zhvillojnë aktivitet kërkimor intensiv në UMT dhe në institucionet partnere ndërkombëtare. Programi synon të përgatisë studiues dhe profesionistë të nivelit të lartë, të aftë për të kontribuar në zhvillimin e inteligjencës artificiale dhe sistemeve inteligjente në nivel akademik, industrial dhe shoqëror.

Kriteret e aplikimit

Studentët duhet të kenë përfunduar studimet e larta në fushën e kërkuar dhe të zotërojnë një diplomë të nivelit të dytë, një diplomë të integruar të nivelit të dytë, ose diplomë sipas sistemit të vjetër të (DIND).

Mesatare mbi 8 në studimet e ciklit të parë dhe të dytë, përjashtuar raste të veçanta të gjykuara nga komisionet përkatëse për dhënien e gradës shkencore “Doktor”.

Dëshmi zotërimi të paktën të gjuhës angleze, niveli B2, në përputhje me legjislacionin në fuqi.

Rekomandime nga persona që gëzojnë titull shkencor dhe njohin aftësitë akademike e profesionale të kandidatit.

Demonstrim dhe zbatim i standardeve më të larta shkencore dhe etike gjatë gjithë periudhës së kërkimit dhe jo vetem.

Dosja personale e aplikimit

Aplikanti dorëzon në sekretarinë mësimore një dosje që përmban dokumentet e mëposhtme. Të gjitha kopjet duhet të jenë të noterizuara aty ku kërkohet.

  1.  CV-ja e plotë e kandidatit
  2.  Kopje e noterizuar e diplomave dhe listave të notave (cikli I, II ose i integruar). Diplomat e huaja shoqërohen me ekuivalentim nga MAS.
  3.  Fotokopje e kartës së identitetit / pasaportës
  4.  2 (dy) fotografi
  5.  Dy rekomandime nga personeli akademik me titull “Profesor i Asociuar” ose “Profesor”
  6.  Dëshmi e gjuhës së huaj (fotokopje e noterizuar)
  7.  Dëshmi për kualifikime, trajnime, artikuj shkencorë ose pjesëmarrje në konferenca
  8.  Vërtetim nga qendra e punës
  9.  Vetëdeklarim për zbatimin e standardeve shkencore dhe etike
  10. Letër motivimi
  11. Dëshmi për kualifikime, trajnime, artikuj shkencorë ose mjedise në konferencë