FUSHAT E KËRKIMIT
PhD në Inteligjencë Artificiale dhe Sisteme Inteligjente
Shkolla e Doktoraturës në Inteligjencë Artificiale dhe Sisteme Inteligjente
Fakulteti i Shkencave Kompjuterike dhe IT (FSHKIT) në Universitetin Metropolitan Tirana (UMT), që prej dhjetorit 2021, është licencuar nga Ministria e Arsimit dhe Sportit për ofrimin e programit të doktoraturës në fushën e Inteligjencës Artificiale dhe Sistemeve Inteligjente (AI & SI). Ky program është ndërtuar mbi eksperiencën akademike dhe shkencore të stafit të UMT-së, si dhe mbi bashkëpunimin me institucione shqiptare, rajonale, evropiane dhe amerikane të arsimit të lartë dhe kërkimit shkencor.
Shkolla e Doktoraturës synon të krijojë një mjedis modern dhe ndërkombëtar kërkimi, të orientuar drejt zhvillimit të teknologjive inteligjente, inovacionit dhe transferimit të njohurive në sektorë të ndryshëm të ekonomisë dhe shoqërisë. Programi mbështet zhvillimin e kërkimit shkencor të avancuar dhe integrimin e doktorantëve në rrjete akademike dhe profesionale ndërkombëtare.
Objektivat e programit
Programi i doktoraturës ka për qëllim thellimin e njohurive teorike dhe zhvillimin e kompetencave kërkimore në fushën e Inteligjencës Artificiale dhe Sistemeve Inteligjente. Studimet doktorale ndërtohen mbi kërkimin shkencor të pavarur dhe veprimtarinë krijuese akademike, duke krijuar kushtet për përgatitjen e tezës së doktoraturës (disertacionit), e nevojshme për fitimin e gradës shkencore “Doktor”.
Nëpërmjet këtij programi, doktorantët aftësohen për të zhvilluar kërkim shkencor të avancuar, për të propozuar zgjidhje inovative dhe për të kontribuar në zhvillimin e teknologjive inteligjente në nivel kombëtar dhe ndërkombëtar. Programi integron aspektet teorike, eksperimentale dhe aplikative të inteligjencës artificiale, duke u fokusuar në zhvillimin e metodave dhe sistemeve inteligjente të orientuara drejt problematikave reale.
SAMITI THE POWER 2025: ATY KU TEKNOLOGJIA, INOVACIONI DHE IDETË MARRIN JETË
Këtë javë, kampusi i Universitetit Metropolitan Tirana (UMT) u shndërrua në një qendër të gjallë të inovacionit, bashkëpunimit dhe dialogut
Nga Parisi në Tiranë: Nëntë studentë francezë nga CY Cergy Paris University lënë gjurmën e tyre në UMT
Nëntë studentë nga CY Cergy Paris University, një nga institucionet më dinamike në Francë, kanë mbërritur në University Metropolitan Tirana
Fushat e aplikimit
Mjekësi & shëndetësi
Algoritme, Sinjale dhe Sisteme
Programi dhe Struktura Akademike
Programi i doktoraturës në Inteligjencë Artificiale dhe Sisteme Inteligjente është konceptuar si një program elitar kërkimor, i orientuar drejt përgatitjes së studiuesve dhe ekspertëve të nivelit të lartë në fushat më të avancuara të inteligjencës artificiale, shkencës së të dhënave dhe sistemeve inteligjente.
Në këtë program pranohen kandidatë me rezultate shumë të larta akademike dhe me potencial të spikatur kërkimor, të cilët kanë përfunduar studimet universitare në fusha të lidhura me shkencat kompjuterike, matematikën, fizikën matematike, automatizimin, inxhinierinë, ekonominë ose fusha të tjera të përafërta.
Shkolla e Doktoraturës synon të tërheqë studentët më të dalluar, të diplomuar jo vetëm në Universitetin Metropolitan Tirana, por edhe në universitetet më të njohura shqiptare dhe në universitete prestigjioze evropiane. Përzgjedhja e kandidatëve bazohet në ekselencën akademike, rezultatet e arritura gjatë studimeve Bachelor dhe Master, aftësitë analitike dhe motivimin për t’u angazhuar në kërkim shkencor të avancuar.
Studimet organizohen mbi plane individuale kërkimi dhe zhvillohen në një mjedis akademik që promovon autonominë shkencore, mendimin kritik, inovacionin dhe bashkëpunimin ndërdisiplinor. Doktorantët përfshihen aktivisht në seminare shkencore, publikime akademike, projekte kërkimore dhe aktivitete ndërkombëtare mobiliteti, duke u integruar gradualisht në komunitetin ndërkombëtar të kërkimit shkencor në fushën e inteligjencës artificiale dhe sistemeve inteligjente.
Bashkëpunimi Ndërkombëtar dhe Udhëheqja Shkencore
Një komponent i rëndësishëm i programit është dimensioni i tij ndërkombëtar. Programi zhvillohet në bashkëpunim me universitete dhe qendra kërkimore partnere në Evropë dhe Shtetet e Bashkuara të Amerikës, përfshirë universitete Franceze, Italiane dhe amerikane. Këto bashkëpunime krijojnë mundësi për bashkëudhëheqje doktoraturash, zhvillim të projekteve të përbashkëta kërkimore dhe realizim të diplomave të dyfishta ose të përbashkëta.
Doktorantët kanë mundësinë të zhvillojnë një pjesë të aktivitetit të tyre kërkimor pranë institucioneve partnere ndërkombëtare, duke u integruar në laboratorë kërkimorë dhe rrjete akademike të avancuara. Udhëheqësit akademikë dhe bashkëudhëheqësit ndërkombëtarë angazhohen në mbështetjen shkencore të doktorantëve dhe në orientimin e tyre drejt kërkimit me impakt te larte kombetar dhe ndërkombëtar.
Prof.Dr. Silviu-Iulian Niculescu
(Research Director at the French National Center for Scientific Research (CNRS))
Prof. Dr. Patrick Siarry
(Université Paris-Est Créteil (UPEC)),
Prof. Dr. René Natowicz
(ESIEE Paris-Université Gustave Eiffel, France),
Prof. Dr. Laurent Najman
(ESIEE Paris-Université Gustave Eiffel, France),
Prof. Dr. Didier Georges
(Grenoble Institute of Engineering & Management (Grenoble INP) / Univ. Grenoble Alpes)
Prof. Dr. Arben Cela
(ESIEE Paris-Université Gustave Eiffel, France)
Prof. Dr. Arben Asllani
(University of Tennessee Chattanooga, USA)
Prof. Dr. Nikolla Civici
(Universiteti Metropolitan Tirana)
(Universiteti Metropolitan Tirana)
(Universiteti Metropolitan Tirana)
(Universiteti Metropolitan Tirana)
(Universiteti Metropolitan Tirana)
APLIKIMI
Dorëzo aplikimin tënd
Aplikimet duhet të dorëzohen me e-mail në adresën zyrtare të Shkollës së Doktoraturës.
Përgjigje brenda 10 ditëve pune