Program Profesional 2- vjeçar në Dizajn Grafik

Programi profesional synon t’i japë studentëve njohuri formuese dhe praktike, të përgatisë studentët me aftësi artistike në fushën profesionale të dizenjimit grafik, dizenjimit editorial, dizenjimit të markave dhe amablazhimeve, dizenjimit në sektorin e prodhimit të reklamave etj. Studentët gjatë zhvillimit të këtij programi studimi, aftësohen në përdorimin e teknikave, metodave dhe mjeteve të dizajn grafikës gjatë studimeve të tyre përmes përdorimit të softuerëve kryesorë të industrisë, si Adobe (Photoshop, Illustrator, InDesign, etj.). Ata nxiten në përmirësimin e aftësive për të komunikuar në mënyrë efektive përmes mjeteve vizuale dhe grafike, përmes mësimit të teorisë së ngjyrave, tipografisë dhe elementeve të tjera të dizajnit për të krijuar komunikime vizuale tërheqëse dhe funksionale. 

Në përfundim të këtij programi studenti ështe i aftë të gëzojë karakteristika profesionale si më poshtë:

• Të zbatojë parimet e dizajnit dhe elementet themelore, duke përfshirë kompozicionin, ngjyrën, tipografinë dhe hierarkinë vizuale. 
• Të përdorë softuerë të avancuar me lehtësi si Adobe Photoshop, Illustrator, InDesign dhe After Effects, për të krijuar dizajne të avancuara dhe profesionale. 
• Të demonstroj njohuri të sistemit të Identitetit Vizual si ( logo, tipografi ose logotip) dhe potencialisht komponentë të tjerë vizualë të panumërt. 
• Të kuptojë teknologjit e ndryshme të publikimit për Median e shkruar dhe vizive si; (shtypi i shkruar; broshura, postera, revista) dhe (media dixhitale; faqe interneti, media sociale, aplikacione mobile), duke kuptuar kërkesat dhe kufizimet e secilës platformë. 
• Të përdorë teknikat e ilustrimit grafik duke përdorur teknika tradicionale dhe digjitale të ilustrimit, etj. 

Ky program përgatit studentë me njohuritë dhe aftësi praktike për një karrierë të suksesshme në Dizajn Grafik përmes praktikave profesionale dhe lidhjeve me industrinë.

Programi 2-vjeçar profesional në “Dizajn Grafik” është krijuar për t’iu ofruar studentëve një arsimim cilësor dhe praktik, duke pasqyruar tendencat më të fundit të industrisë së dizajnit. Ky program është ndërtuar për të përmbushur nevojat e tregut dhe për të pajisur studentët me aftësitë dhe njohuritë e nevojshme për një karrierë të suksesshme në dizajn grafik sepse: 

• Programi është hartuar duke analizuar me kujdes nevojat e tregut të punës si dhe nevojat në burime njerëzore të kompanive që operojnë në tregun e punës, duke u siguruar që të përfshijë praktikat dhe të pregatis student me cilësit më të mira për tregun e punës.
• Plani mësimor është hartuar duke inkorporuar teorin, praktikën me metodat dhe mjetet e nevojshme të dizajnit, duke e bërë programin tonë të përditësuar dhe të përshtatshëm për nevojat e sotme të tregut.
• Stafi yne akademik përbehet nga profesionistë me përvojë të gjerë në fushën e dizajnit, artit dhe akademis, të cilët sjellin njohuri praktike dhe teorike në klasë, duke ofruar një përvojë të pasur mësimore.
• Programi thekson eksperiencën praktike përmes projekteve reale në kompani partnere, duke u siguruar që studentët të fitojnë përvojë të vlefshme dhe të ndërtojnë një portofol të fuqishëm.

Përveç aftësive teknike, programi synon të zhvillojë aftësitë e mendimit kritik, zgjidhjes së problemeve dhe komunikimit efektiv, duke përgatitur studentët për të marrë vendime strategjike në projektet e tyre të dizajnit. 

Programi 2- vjeçar profesional në “Dizajn Grafik” është krijuar për të përgatitur studentët për një gamë të gjerë mundësish punësimi në fushën e dizajnit dhe komunikimit vizual. Pas përfundimit të programit, të diplomuarit tanë do të kenë aftësitë dhe njohuritë e nevojshme për të ndjekur karrierat e mëposhtme:

• Dizajner Grafik – Në agjensi reklamash, shtëpi botuese, firma marketingu, dhe departamente të dizajnit brenda kompanive të mëdha.
• Ilustrues – Krijues i ilustrimeve për libra, revista, dhe materiale të ndryshme të marketingut dhe komunikimit.
• Dizajner Web-i- Zhvillues dhe dizajnues i faqeve të Web-it, mirmbajtës i rrjeteve sociale për kompani, organizata jo-fitimprurëse dhe individë të ndryshëm.
• Dizajner i Identitetit Vizual – Krijues dhe menaxhues i identitetit të markave, duke përfshirë logo, kartvizita, letra me kokë dhe materiale të tjera të markës.
• Dizajner i Paketimit – Dizajnues i paketimit për produkte të ndryshme, duke siguruar që paketimi të jetë tërheqës dhe funksional.
• Fotograf Digjital – Përgatitja dhe përpunimi i fotografive për përdorime të ndryshme, përfshirë marketingun dhe botimet.
• Menaxher Projekti në Dizajn – Menaxher i ekipeve të dizajnit dhe projekteve të ndryshme, duke siguruar që projektet të përfundojnë me sukses dhe në kohë.
• Dizajner Freelancer – Dizajner i pavarur për klientë të ndryshëm, duke ofruar shërbime të dizajnit grafik për një gamë të gjerë projektesh dhe industrish.

Këto janë vetëm disa nga mundësitë e shumta të karrierës që mund të ndiqni pas përfundimit të programit tonë. Me një portofol të fortë dhe aftësi të zhvilluara në fushën e dizajnit grafik, të diplomuarit tanë janë të mirëpritur në tregun e punës dhe të gatshëm për të kontribuar në suksesin e organizatave dhe projekteve të ndryshme.