Inteligjencë Artificiale
Programi Bachelor në “Inteligjencë Artificiale” në universitetin “Metropolitan Tirana” ofron një diplomë të ciklit të parë të studimit “Bachelor” në fushën e inteligjencës artificiale. Inteligjenca Artificiale (IA) është një temë e ditës së sotme dhe të nesërme, e cila po prek edhe do të prekë çdo fushë të jetës sonë. Çdokush ka dëgjuar për makinën pa shofer (Google car), Deep Blue (IBM) apo robotet e komunikimin zanor (SIRI-iPhone) tek pajisje të ndryshme. Përveç tyre, kemi edhe zbatime të IA në fusha të tjera si: ekonomia, prodhimi industrial, video lojra, zbavitja, mjekësia, ndihma në procese të ndryshme, e më tej deri te fusha ligjore.
IA ka të bëjë me imitimin e inteligjencës njerëzore dhe jo vetëm në makina të programueshme, e për ti bërë ato për të menduar dhe vepruar në mënyrë të pavarur në zgjidhjen e problemeve të ndryshme.
Gjatë kohës së studimit, studentët do të marrin aftësitë e duhura nga shkencat kompjuterike, matematika, inteligjenca artificiale dhe aftësitë kyçe për zhvillimin e sistemeve të bazuara në IA. Përveç saj, ata do të mësojnë të përdorin me përgjegjësi këto sisteme dhe njohur edhe çfarë lejohet apo jo në përdorimin e IA duke mësuar edhe bazat etike të përdorimit të saj. Studimi i IA-së përfshin përmbajtje nga fushat e “machine learning”, shkencat e të dhënave apo siç njihet ndryshe “data science”, “deep learning”, sistemet multi-agjent, vizioni kompjuterik dhe përpunimi natyror gjuhësor. Detyrat e saj të përditshme mund të përfshijnë: a) analizimin e problemin dhe trajtimin me teknikat e duhura për zgjidhjen e saj; b) projektimin dhe manipulimin e të dhënave komplekse; c) krijimin e mjeteve dhe algoritmeve analitike në trajtimin e problemit; dhe d) zhvillimin e softuerit të ri për nevojat e projektit dhe kërkimit.
Kontakte të nevojshme
Përgjegjës Departamenti
Dr. Elton Domnori
edomnori@umt.edu.al.
Koordinator i Programit
Dr. Elton Domnori
edomnori@umt.edu.al.
Informacione të Detajuara
Kohëzgjatja
3 Vite
Numri i ECTS
180 ECTS
Formati
Full- time
Gjuha
English