Master i Shkencave në Inteligjencë Artificiale

Objektivi kryesor i këtij programi studimi është formimi dhe kualifikimi i specialistëve në dy fusha strategjike si: “data science”, atë të nxjerrjes së informacioneve të reja të cilat mund të aplikohen në fusha në ndryshme si: biznesi, mjekësia, etj., si dhe “cybersecurity”, atë të krijimit elementëve të sigurisë si p.sh.: njohja biometrike, evidentimi i informacionit apo aplikacioneve me qëllime të këqija (malicious).

Objektivi i këtij programi, në përgjithësi, është ta njohë studentin me koncepte të avancuara në fushën e inteligjencës artificiale ku si qëllim kryesore kemi ndërtimin e sistemeve inteligjente në gjendje të mësojnë (duke u nisur nga një kontekst i caktuar) dhe përmirësohen, duke bërë mundur fitimin e aftësive vendimmarrëse në formë të pa varur.

Programi i studimit Master në Inteligjencë Artificiale me dy profile është një program me rendësi, i krijuar tërësisht përmes hulumtimeve në tregun e punës si vendas dhe të huaj, si dhe krahasimin me programet e universiteteve të huaja. Fusha e studimit të këtij programi studimi konsiderohet si një fushë strategjike për interesin teknik dhe shkencor por dhe për ndryshimet e thella që ky sektor po operon dhe do të operojë në të gjitha sferat e shoqërisë por veçanërisht në atë të punësimit, të ekonomisë dhe në zhvillimin e qëndrueshëm të industrisë.

• Plani mësimor është i hartuar me kujdes duke u bazuar në programet e universiteteve të rëndësishme kombëtare dhe ndërkombëtare, duke u siguruar që programi pasqyron zhvillimet më të fundit të shkencës, përparimet teknologjike dhe standardet akademike në fushën e teknologjisë dhe me drejtimet specifik të fushës së inteligjencës artificiale
• Janë të futura praktikat më të mira nga institucione të njohura për të krijuar një qasje mësimdhënëse të qëndrueshme, gjithëpërfshirëse me në qendër studentin. Ky program përfshin një gërshetim të njohurive kryesore, teknikave të avancuara dhe aplikimeve praktike përmes dhënies së shërbimeve të reja, apo përmirësimin e shërbimeve ekzistuese më bazë operimin digjital, të përshtatura tamam, për të përmbushur kërkesat dinamike të tregut të sotëm.
• Stafi akademik pranë Fakultetit të Shkencave Kompjuterike dhe IT sjell një larmishmëri të përvojës akademike dhe tregut të punës, duke siguruar që studentët të marrin njohuri të avancuara dhe praktike. Stafi akademik është i angazhuar në kërkime shkencore dhe bashkëpunime me tregun e punës. Duhet theksuar se ky program mbështetet mbi programin e Doktoratës në Inteligjencë Artificiale dhe Sisteme Inteligjente, dhe plotëson nevojat e njohurive për një brez të ri punonjësish në këto profile.
• Përtej aftësive teknike, programi trajton kompetenca të tërthorta dhe afatgjata si të menduarit kritik dhe kijues, zgjidhjen e problemeve dhe qasje të tilla si komunikimi, dëgjimi dhe empatia. Studentët e diplomuar janë të pajisur jo vetëm me përvoja teknike, por edhe me aftësi për të nxitur vendimmarrjen në qasje organizuese.
• Ka një përkushtim ndaj përmirësimit të vazhdueshëm dhe përditësimit të kurrikulës, bazuar në reagimet e tregut të punës, alumni dhe zhvillimet e kërkimit shkencor brenda dhe jashtë vendit. Kjo siguron që të diplomuarit të marrin njohuri të përgjithshme mbi pjesët përkatëse sipas profilit të zgjedhur por me bazë përshtatjen e njohurive të fushës së Inteligjencës Artificiale në vendimmarrjet inteligjente të tyre.

Fusha e inteligjencës artificiale është e gjerë dhe po zhvillohet shumë shpejt dhe me të njëjtin ritëm po shtohen dita-ditës edhe më shumë mundësi punësimi. Duke u specializuar në këtë fushë, studentët mund të përdorin aftësitë e fituara për të krijuar, përpunuar dhe analizuar të dhëna për të arritur rezultate inteligjente dhe të kenë një ndikim pozitiv në botën e teknologjisë së inteligjencës artificiale.
Në mënyrë të përmbledhur, një student i këtij programi elitar me profil “Data Science” mund të punojë në pozicione si më poshtë:

• Inxhinier i Inteligjencës Artificiale (AI Engineer): Zhvillon, zbaton dhe vlerëson modele të avancuara të IA-së për të krijuar sisteme inteligjente.
• Zhvillimi i sistemeve inteligjente ne sektorë si ekonomia, financa, shëndetësia, apo edhe bio-informatika. Optimizimi i proceseve prodhuese ne industri, treg dhe ne shpemdarjen e tyre.
• Shkencëtar i të dhënave (Data Scientist): Analizon dhe interpreton të dhënat për të nxjerrë përfitime si edhe identifikon modele dhe tendencat në marrjen e vendimeve inteligjente.
• Zhvillues i aplikacioneve AI: Zhvillon aplikacione dhe platforma që përdorin teknologjinë e IA-së. Ne aplikimin dhe kërkimet ne rrjete sociale, marketing, tregti, trafiku urban, mjekësi, etj.
• Arkitekt Zgjidhjesh AI: Projektues dhe zhvillues i zgjidhjeve për përkthyesit automatik, asistentet, ndërfaqet, përpunimin natyror gjuhësor, si edhe projektues i aplikacioneve te realitetit virtual dhe te augmentuar.
• Kërkues shkencor në AI: Zhvillon projekte të reja dhe kontribuon në zhvillimin e dijes në fushën e IA-së.
• Konsulent AI: Ofron këshilla dhe zgjidhje për përdorimin e suksesshëm të IA në kompani dhe organizata të ndryshme.

Secila prej këtyre kategorive mund të zbatohet në sektorë të ndryshëm të ekonomisë të tillë si: kompanitë teknologjike, industria, institucionet financiare dhe tregtare, mjekësia, transporti dhe logjistika, media dhe zbavitjet, sistemet e sigurisë dhe mbikëqyrjes.

Gjithashtu, një student i këtij programi me profil “Cybersecurity” mund të punojë në pozicione si më poshtë:

• Analist Sigurie (Cybersecurity Analyst) – Analizon, detekton dhe përgjigjet ndaj incidenteve të sigurisë.
• Inxhinier i lartë Sigurie – Projekton dhe implementon algoritma të IA-së në sisteme te ndryshme kompjuterike per rritjen e nivelit te sigurise.
• Konsulent i Sigurisë Kibernetike – Ofron këshilla dhe udhëzime ekspertësh për klientët në zhvillimin dhe zbatimin e strategjive, politikave dhe teknologjive efektive të sigurisë kibernetike.
• Menaxher i Sigurisë së Informacionit – Mbikëqyr planifikimin, zbatimin dhe menaxhimin e masave të sigurisë të një organizate për të mbrojtur pasuritë dhe infrastrukturën e saj digjitale.
• Penetration Tester – Kryen sulme të simuluara të autorizuara në sistemet dhe rrjetet e një organizate për të identifikuar dobësitë dhe të rekomandojë masa të përshtatshme zbutëse.
• Specialist i Reagimit ndaj Incidenteve – Heton, përgjigjet dhe zbulon ndikimin e shkeljes së sigurisë dhe incidenteve, duke përfshirë koordinimin me autoritetet dhe palët e interesuara përkatëse.
• Inxhinier i Sigurisë Kibernetike – Projekton, zhvillon dhe mirëmban softuerë, sisteme dhe infrastrukturë të sigurt, duke përfshirë teknologjitë dhe teknikat e sigurisë së avancuara.
• Drejtori i Pergjithshem i Sigurisë së Informacionit (CISO) – Shërben si ekzekutivi kryesor përgjegjës për strategjinë e përgjithshme të sigurisë kibernetike, menaxhimin e rrezikut dhe përpjekjet e pajtueshmërisë të një organizate.
• Kërkues i Sigurisë Kibernetike – Kryen hulumtime, zhvillon metodologji të reja të sigurisë dhe boton gjetjet për të avancuar fushën e sigurisë kibernetike.
• Ekspert i Forenzikës Dixhitale – Kryen analiza të thella forenzike të pajisjeve, rrjeteve dhe sistemeve dixhitale për të zbuluar prova që lidhen me krim kibernetik, mashtrim ose aktivitete të tjera të jashtëligjshme.
• Analist i Malware-it – Kryhen inxhinierinë e terthorte dhe analizën e mostrave të malware-it për të kuptuar funksionalitetin, sjelljet dhe ndikimin e mundshëm të tyre.
• Analist i Qendrës së Operacioneve të Sigurisë (SOC) – Monitoron dhe analizon logët e sigurisë, alertet dhe ngjarjet për të zbuluar, hetuar dhe reaguar ndaj incidenteve të sigurisë.
• Specialist i Kërkimit të Cenueshmerive – Identifikon, kërkimin dhe dokumenton cenueshmeritë në software, hardware dhe sisteme. Vlerëson rrezikun dhe ndikimin e mundshëm të cenueshmërive të zbuluar. Zhvillon dhe teston strategjitë e riparimit, ndreqjet dhe zbutjet për të adresuar cenueshmeritë.