Master i Shkencave në Inxhinieri Software

Programi i studimit Master i Shkencave në Inxhinieri Software i ofruara nga UMT ka për qëllim të përcjellë njohuri të avancuara të sistemeve kompjuterike, zhvillimit të aplikacioneve software dhe kërkimin e aplikuar. Në veçanti, ky program studimi fokusohet në aspekte të ndryshme të zhvillimit si: menaxhimi dhe përpunimi i të dhënave (menaxhimi i bazës së të dhënave, data warehouse, data mining, etj.) dhe programimit (programi back-end dhe front-end, programi për pajisjet mobile, testimi dhe verifikimi i software-it, etj…

Në përfundim të programit të studimit, studentët do fitojnë njohuri mbi shkencat kompjuterike në përgjithësi dhe sistemet software në veçanti. Kurrikula e këtij programi studimi është ndërtuar në një formë që mundëson studentin të praktikojë në laboratorë me ndihmën e pajisjeve kompjuterike të vëna në dispozicion në ambientet e UMT-së.

Krahas njohurive të fituara gjatë vitit akademik, studentët do fitojnë eksperienca të reja me anë të programit të praktikës mësimore të organizuar gjatë semestrit të fundit.

Programi i studimit Master i Shkencave në Inxhinieri Software është një program me rendësi, i krijuar tërësisht përmes hulumtimeve në tregun e punës si vendas dhe të huaj, si dhe krahasimin me programet e universiteteve të huaja. Ky programi është një zgjedhje bindëse për profesionistë të ardhshëm sepse:

• Plani mësimor është i hartuar me kujdes duke u bazuar në programet e universiteteve të rëndësishme kombëtare dhe ndërkombëtare, duke u siguruar që programi pasqyron zhvillimet më të fundit të shkencës, përparimet teknologjike dhe standardet akademike në fushën e teknologjisë dhe me një drejtim specifik në modelimin, implementimin, testimin dhe evoluimin e sistemeve software.
• Janë të futura praktikat më të mira nga institucione të njohura për të krijuar një qasje mësimdhënëse të qëndrueshme, gjithëpërfshirëse me në qendër studentin. Ky program përfshin një gërshetim të njohurive kryesore, teknikave të avancuara dhe aplikimeve praktike përmes dhënies së shërbimeve të reja, apo përmirësimin e shërbimeve ekzistuese më bazë operimin digjital, të përshtatura tamam, për të përmbushur kërkesat dinamike të tregut të sotëm.
• Stafi akademik pranë Fakultetit të Shkencave Kompjuterike dhe IT sjell një larmishmëri të përvojës akademike dhe tregut të punës, duke siguruar që studentët të marrin njohuri të avancuara dhe praktike. Stafi akademik është i angazhuar në kërkime shkencore dhe bashkëpunime me tregun e punës, duke e fokusuar programin dy drejtime kryesore: në industri, pra në automatizimin e proceseve të punës me anë të kontrollit digjital dhe në shërbime me drejtim tek përpunimi i të dhënave.
• Përtej aftësive teknike, programi trajton kompetenca të tërthorta dhe afatgjata si të menduarit kritik dhe krijues, zgjidhjen e problemeve dhe qasje të tilla si komunikimi, dëgjimi dhe empatia. Studentët e diplomuar janë të pajisur jo vetëm me përvoja teknike, por edhe me aftësi për të nxitur vendimmarrjen në qasje organizuese.
• Ka një përkushtim ndaj përmirësimit të vazhdueshëm dhe përditësimit të kurrikulës, bazuar në reagimet e tregut të punës, alumni dhe zhvillimet e kërkimit shkencor brenda dhe jashtë vendit. Kjo siguron që të diplomuarit të marrin njohuri të përgjithshme mbi sistemet software, pra, arkitekturat e sistemeve dhe ndërthurjen e njësive të ndryshme për ekzekutimin e sistemeve komplekse duke përmbushur nevojat për procesin dhe shkëmbim të sigurt të dhënash. Gjithashtu mësohet nga një gjuhë për çdo familje programimi.

Të diplomuarit në programin master Inxhinieri Software në Universitetin Metropolitan Tirana mund të punojnë në sektorë të ndryshëm, jo vetëm në kompanitë të cilët merren në mënyrë të drejtpërdrejt në zhvillimin e aplikacioneve software të cilët së fundmi janë gjithnjë e më të shumtë në treg, por edhe në kompani si: bankat apo institucione financiare, në institucione publike dhe private që kanë sisteme informacioni në menaxhimin e shërbimeve, në industrinë e lehtë dhe të rëndë në menaxhimin e sistemeve të informacionit.

Një tjetër mundësi e cila po merr një përhapje të gjerë është vetëpunësimi apo punësimi në distancë siç njihet ndryshe me emrin freelancer. Kompetencat e fituara mundësojnë edhe punësimin në distancë për kompani që e mundësojnë atë duke krijuar një fleksibilitet në menaxhimin e kohës dhe punës. Ndërkohë që shumë të rinj me ide biznesi në zgjidhje të inxhinierisë software po krijojnë startup-et e tyre të cilat po marrin një vëmendje të veçantë në tregun e sotëm dhe mbështetje financiare nga kompani të mëdha apo fonde nga institucione publike kombëtare dhe ndërkombëtare.

Për studentët e programit të masterit në inxhinierinë software, ka një larmi të gjerë mundësish për punësim dhe karrierë, disa prej profileve të punës përfshijnë:

• Zhvillues (Software Developer) – përfshin zhvillimin në të gjitha hapat e një zgjidhjeje software nga ana teknike, kjo mund të përfshijë edhe profilet e zhvillimeve mobile, web, apo edhe për bazat e të dhënave.
• Inxhinier kërkesash software (Requirement Engineer) – i cili merret kryesisht me marrjen dhe përpunimin e kërkesave për software.
• Arkitekt softueri (Software Architect) – profil i cili përfshin në vetvete edhe pjesën e analizimit dhe projektimit të një zgjidhjeve softuerike.
• Testues Software (Software Tester) – përfshin kryerjen e të gjithave hapave të duhura testuese para, gjatë dhe pas kodimit, me qëllim ruajtjen e cilësisë së produktit final software.
• Menaxher projektesh software – përfshin të gjitha hapat e menaxhimit të një projekti software, duke filluar nga planifikimi, menaxhimi i burimeve, mjeteve, anëtarëve të projektit duke përdorur teknika të ndryshme të zhvillimit.