Transferimet e studimeve
Transferimet
Universiteti Metropolitan Tirana mirëpret çdo student i cili dëshiron të transferojë studimet, në përputhje me parimet e Kartës së Bolonjës, rregullores së UMT dhe kuadrit ligjor në fuqi.
Transferimet e studimeve mund të kryhen në çdo cikël studimi, pra në programet profesionale, programet bachelor dhe programet master.
Çdo student i interesuar për t’u transferuar mund të dorëzojë dosjen e aplikimit në çdo kohë. Ndërkohë regjistrimet finalizohen në përputhje me datat e publikuara nga Ministria e Arsimit, Rinisë dhe Sportit.
Është e rëndësishme që studentët të dorëzojnë listën e notave dhe planet mësimore nga universiteti ekzistues, në mënyrë që departamentet përkatëse të kryejnë procesin e njohjes dhe ekuivalentimit të lëndëve.
Dokumentacioni për transferim
- Vërtetim studenti dhe lista e notave
- Plani i plotë i programit të studimit përfshirë edhe syllabuset përkatëse
- Kopje e noterizuar e Diplomës së Maturës Shtetërore
- Kopje e noterizuar e Certifikatës së Maturës Shtetërore
- Në rast se kandidati ka kryer gjimnazin jashtë shtetit duhet të paraqesë Njehsimin e diplomës tek Qendra e Sherbimit Arsimor (QSHA)
- Dy fotografi (formati 3×4)
- Dokument identifikimi (fotokopje)
- Fleta e çregjistrimit