Tarifat e studimit
Tarifat e studimit në Universitetin Metropolitan Tirana janë konceptuar dhe strukturuar për të rritur aksesin në arsimin e lartë, duke ofruar mundësi të favorshme financiare për studentët. Duke filluar nga muaji dhjetor, të interesuarit kanë mundësinë të rezervojnë vendin e tyre në një prej programeve të studimit, duke përfituar nga tarifa të reduktuara për regjistrimet e kryera para kohe.
Për më tepër, UMT garanton mbështetje të plotë për të gjithë studentët që regjistrohen për herë të parë në ciklin e studimeve Bachelor ose në Programet Profesionale, duke iu ofruar akses në kartën e studentit, në web-mail, në paketat Office dhe në platformën universitare edu4schools, që mundëson menaxhimin dhe ndjekjen efektive të procesit të studimeve.
Bursat e Studimit Për Programet Bachelor
Universiteti Metropolitan Tirana (UMT) vlerëson punën dhe arritjet e çdo maturanti ekselent duke i ofruar bursë të vlefshme përgjatë gjithë ciklit të studimeve bachelor. Ju mund të përfitoni bursë nëse keni arritje si pjesëmarrës në olimpiada, në aktivitete sociale në ndihmë të shtresave të pafavorizuara të shoqërisë, dalloheni si talent në fushën e kulturës, artit dhe sportit ose të paktën një nga prindërit tuaj punon në UMT ose është mësues në sistemin parauniversitar shqiptar. Bursat akordohen bazuar në kritere të qarta dhe të barabarta të bazuara në punën dhe rezultatet e studentëve dhe në përgjegjësinë sociale të UMT, sipas një procesi transparent dhe të thjeshtë aplikimi. Lexo më shumë mbi Bursat e Studimit Për Programet Bachelor në UMT