Përfundoi me sukses “Summer School 2024 – Innovate, Design and Lead”. Ky aktivitet shënoi një rrugëtim të suksesshëm dy-javorsh për nxënësit e gjimnazeve nga të gjitha anët e qytetit të Tiranës, i cili u mbajt në ambjentet e Metropolitan Innovation Center. Kjo program ofroi një mundësi të jashtëzakonshme për të rinjtë për të eksploruar dhe përparuar në disa fusha kyçe të edukimit dhe teknologjisë.
Programi u organizua me përkushtim të madh nga një ekip i përbërë nga ekspertë të shquar në fushën e tyre mga Universiteti Metropolitan Tirana, të cilët udhëhoqën trajnimet intensive dhe praktikat për nxënësit. Temat që u trajtuan përfshinin një gamë të gjerë temash:
Dr. Sonila Daiu, një eksperte e njohur në fushën e komunikimit publik, udhëhoqi trajnimin për Public Speaking. Nxënësit morën udhëzime të vlefshme për të zbuluar aftësitë e tyre në paraqitjen publike dhe për të komunikuar me siguri dhe ndikim para audiencave të ndryshme.
Dr. Nick Frydas dhe ekipi i tij fokusuan në AI dhe Sigurinë Kibernetike, duke ofruar njohuri themelore dhe praktika për të kuptuar sfidat dhe mundësitë e inteligjencës artificiale në mjedisin e sigurisë kibernetike.
Trajnerët e RoboTech ofruan një përvojë praktike dhe eksperimentale në fushën e robotikës dhe teknologjisë së automatizimit. Nxënësit morën pjesë në projektim, ndërtim dhe programim të robotëve të thjeshtë dhe të kompleksë.
Ronida Myrtaj dhe Bora Lavdari, dizajnues të njohur të interierit, udhëhoqën një workshop të specializuar në dizajnin e interierit të një apartamenti. Nxënësit u njohën me metodat dhe strategjitë e dizajnit, duke eksploruar praktikat dhe trendet e fundit në industrinë e dizajnit të ambientit.
Dr. Blerina Dhrami ofroi një program intensiv për Leadership-in, duke promovuar aftësitë e menaxhimit dhe udhëheqjes në një mjedis të shkollës dhe jashtë saj. Nxënësit shqyrtuan rëndësinë e aftësive të udhëheqjes në të ardhmen e tyre profesionale dhe personale.
Dr. Rolandi Subashi dhe Dr. Ndricim Topalli mbuluan temat e Zhvillimit të Web-it dhe Marketingu Dixhital. Nxënësit mësuan për platformat e përdorura më së shpeshti për zhvillimin e faqeve të internetit dhe strategjitë e marketingut digital, duke përfshirë reklamën online, SEO dhe analizat e përdoruesve.
PhD Evis Plaku dhe BA. Egers Braho përcollën njohuritë e tyre në fushën e AI dhe Zhvillimit të Lojërave. Nxënësit eksploruan konceptet e thella të inteligjencës artificiale dhe praktikat e zhvillimit të lojërave, duke krijuar projektet e tyre të para në këto fusha inovative.
Dr. Ernest Shtepani, Alesia Dishi dhe Aleksander Sina ofruan një kurs të specializuar në Dizenjimin e një banese modulare. Nxënësit u njohën me teknologjitë dhe metodat më të fundit për dizenjimin dhe ndërtimin e ambienteve të banimit të modularëve, duke përfshirë aspektet e inxhinierisë dhe dizajnit estetik.
Pjesëmarrës në këtë program ishin nxënës të motivuar nga gjimnazet e njohura si Andon Zako Cajupi, Shkolla Teknike Elektrike “Gjergj Canco”, Hermann Gmeiner, Karl Gega, Qemal Stafa, Ismail Qemali, Besnik Sykja, Partizani, Shkolla “Tirana Jonë” dhe Luigj Gurakuqi. Pjesëmarrja e tyre e përkushtuar dhe angazhimi në të gjitha fazat e programit u vlerësua me certifikatën finale të dhënë për të gjithë pjesëmarrësit, të cilat shënojnë suksesin e tyre në përfundimin e këtij trajnimi të veçantë.
Këto dy javë ishin jo vetëm një mundësi për të mësuar nga ekspertët në fusha të ndryshme, por gjithashtu një rast për të ndarë përvojat dhe idetë me bashkëmoshatarët e tyre nga shkollat e tjera, duke ndërtuar lidhje të reja dhe frymëzim për të ardhmen e tyre të shkollimit dhe karrierës. Nëpërmjet këtij programi, Metropolitan Innovation Center vazhdoi të ndihmojë në ngritjen e një brezi të ri inxhinierësh, dizajnuesish, dhe liderësh të ardhshëm, duke kontribuar në zhvillimin e një shoqërie më të zhvilluar dhe inovative për të gjithë qytetarët.
Kjo përfundim shënon vetëm fillimin e udhëtimit të tyre në botën e teknologjisë dhe kreativitetit, duke shpresuar që ata të vazhdojnë të ndikojnë dhe të shndërrojnë idetë e tyre në realitet për të ardhmen e ndritur të vendit tonë.