Me tre fakultete, përkatësisht Fakultetin e Inxhinierisë dhe Arkitekturës, Fakultetin e Shkencave Kompjuterike dhe IT dhe Fakultetin e Ekonomisë, Universiteti Metropolitan Tirana kujdeset të përgatisë profesionistët e rinj që jo vetëm kërkohen nga tregu i punës, por i shërbejnë edhe interesave strategjik në zhvillimin ekonomik dhe social të shoqërisë.

Universiteti Metropolitan Tirana është vlerësuar “Shkëlqyer”, duke marrë akreditimin institucional për pesë vite nga Agjencia e Sigurimit të Cilësisë në Arsimin e Lartë dhe Agjencia Britanike e Akreditimit.

Universiteti Metropolitan Tirana mbështet ekselentët. Maturantët me rezultate të larta si edhe fituesit e olimpiadave kombëtare dhe ndërkombëtare mund të përfitojnë nga bursat e ekselencës, të cilat janë të vlefshme për të gjithë ciklin e studimeve.

Falë bashkëpunimeve me mbi 15 universitete europiane, studentët e Universitetit Metropolitan Tirana mund të zhvillojnë një ose dy semestra akademikë jashtë vendit, në kuadër të programit Erasmus+.

Një vëmendje e veçantë në Universitetin Metropolitan Tirana u kushtohet bashkërendimit të dijeve teorike me ato praktike, ku studentët e çdo programi kanë mundësinë të aftësohen në 11 laboratorët e kompletuar me të gjitha pajisjet e nevojshme teknologjike. Veçanërisht studentët e Inxhinierisë së Ndërtimit, Inxhinierisë Software, Inxhinierisë Kompjuterike, Inxhinierisë Elektrike dhe Informatikës Ekonomike zhvillojnë shumë lëndë praktike në laboratorët përkatës.

Mbi 90 aktivitete të organizuara nga Klubet Studentore në bashkëpunim me stafin akademik dhe atë administrativ të Universitetit Metropolitan Tirana, i japin ngjyra jetës studentore përtej leksioneve, duke krijuar një mjedis dinamik dhe social.

Inkubatori i parë dhe i vetëm i krijuar brenda një universiteti, i cili zhvillon idetë më inovative të biznesit. Metropolitan Incubator ofron mbështetjen e tij për studentët që duan të bëhen pjesë e botës së sipërmarrjes, ku 85% e ideve të paraqitura inkubohen, 71% e tyre krijojnë një prototip dhe 28% e ideve që kanë krijuar prototip janë hedhur në treg.

Falë stafit akademik ndërkombëtar, UMT ofron edhe mundësinë e studimeve në anglisht në shumë prej programeve të studimit, duke ofruar literaturën bashkëkohore për formimin e profesionistëve të rinj në fushat e Inxhinirisë, Arkiktekturës dhe Ekonomisë.

Universiteti Metropolitan Tirana kujdeset që të gjithë studentët të kenë pajisjet dhe informacionin e nevojshëm për zhvillimin e suksesshëm të procesit akademik. Në momentin e regjistrimit, studentët pajisen me Çantën e Studentit ku përfshihet një Laptop, CD me leksionet didaktike, aksesi në sekretarinë online dhe web-mail, Karta e Studentit, Guida dhe Rregullore e Studentit.

Në fokus të Universitetit Metropolitan Tirana janë organizimet e aktiviteteve sociale dhe kulturore në mbështetje të sektorëve me rëndësi strategjike dhe shtresave të margjinalizuara. Gjithashtu, UMT ofron mbulim të kostove të studimit deri në 100% me anë të bursave sociale.