Program Profesional 2-vjecar në Menaxhim në Turizëm, Hoteleri dhe Evente

Program Profesional 2-vjecar në Menaxhim në Turizëm, Hoteleri dhe Evente është krijuar për shkak të rritjes së kërkesës për ekspertë në sektorin e turizmit, i cili jo vetëm që po zhvillohet nga viti në vit, por po kthehet në një prej sektorëve strategjikë të rritjes ekonomike në Shqipëri.
Qëllimi i këtij programi është të përgatisë ekspertë në sektorin e turizmit, të cilët janë në gjendje të kuptojnë nevojat e bizneseve dhe të klientëve duke u dhënë zgjidhje përmes mendimit analitik dhe përdorimit të teknologjive të reja.

Në këtë program, studentët marrin njohuri për sipërmarrjen, parimet bazë të menaxhimit dhe të kontabilitetit, marketingut, menaxhimin e eventeve, organizimin e guidave turistike, menaxhimin e sistemeve të rezervimit etj. Në përfundim të programit, studentët do të kenë gjithë njohuritë e nevojshme për t’u integruar në tregun e punës si menaxherë në restorante, hotele apo resorte, specialistë në agjencitë turistike, specialistë në agjencitë e marketingut dhe të eventeve jo vetëm brenda vendit, por edhe jashtë kufijve të Shqipërisë.