Program Profesional në Dizajn dhe Zhvillim Software

Gjuhët që trajtohen gjatë këtij cikli studimi janë: C si paraprije e njohurive bazë të programimit dhe përdorimi i saj në sistemet me komputacion të lartë (High Performance Computing), Java si përfaqësuesja më e denjë e familjes së gjuhëve të orientuara në objekte (Object Oriented Programming) e cila ka një përdorim mjaft të gjerë në sajë të fleksibilitetit dhe pavarësisë nga platformat e ekzekutimit; HTML/CSS për programin front-end në Web, PHP për programimin back-end në Web, SQL për menaxhimin e bazave të të dhënave, Shell Script për menaxhimin e sistemeve operative, Python, etj.

Krahas gjuhëve të programimit një tjetër fokus i rëndësishëm është inxhinieria e software-it ku studenti njihet me gjithë ciklin e zhvillimit të një aplikacioni, që nga ndërfaqësimi me klientin dhe mbledhja e kërkesave, tek dizenjimi i zgjidhjes, përzgjedhja e platformave dhe gjuhëve të programimit, testimi dhe evolucioni i aplikacionit.

Programi i studimit Dizajn dhe Zhvillim Software është një program me rendësi, i krijuar tërësisht përmes hulumtimeve në tregun e punës si vendas dhe të huaj, si dhe krahasimin me programet e universiteteve dhe kolegjeve të huaja. 

Programi është një zgjedhje bindëse për teknikë të ardhshëm sepse:

• Plani mësimor është i hartuar me kujdes duke u bazuar në programet e universiteteve ndërkombëtare, duke u siguruar që programi pasqyron zhvillimet më të fundit të industrisë, avancimet teknologjike dhe standardet akademike përmes një vështrimi të përgjithshëm mbi gjuhët dhe teknikat e ndryshme të programimit për zhvillimin e aplikacione software.
• Janë të futura praktikat më të mira nga kolegje dhe institucione të njohura për të krijuar një mësimdhënie të qëndrueshme dhe gjithëpërfshirëse. Programi përfshin një gërshetim të njohurive bazike, teknikave të avancuara dhe aplikimeve praktike të përshtatura për të përmbushur kërkesat e ndryshme të tregut të sotëm.
• Stafi akademik pranë Fakultetit të Shkencave Kompjuterike dhe IT sjell një larmishmëri të ndërthurjes së ekspertizës akademike me përvojat në tregun e punës, duke siguruar që studentët të marrin njohuri bazike dhe praktike. Stafi akademik është i angazhuar në kërkime shkencore dhe bashkëpunime me tregun e punës, duke e pasuruar programin me njohuri nga jeta e përditshme.
• Përtej aftësive specifike, programi trajton kompetenca të tërthorta dhe afatgjata si: të menduarit kritik dhe krijues, zgjidhjen e problemeve dhe aftësitë e komunikimit, dëgjimit dhe empatisë. Studentët e diplomuar janë të pajisur jo vetëm me përvoja teknike, por edhe me aftësi për të nxitur vendimmarrjen në qasje organizuese.
• Angazhohemi ndaj përmirësimit të vazhdueshëm dhe përditësohet rregullisht kurrikula bazuar në reagimet e tregut të punës, alumni dhe zhvillimet e kërkimit shkencor. Kjo siguron që të diplomuarit të marrin bazat teknologjisë së informacionit dhe të programojnë në gjuhët C, Java, HTML/CSS, PHP, SQL, Shell Script dhe Python.

Teknologjia e informacionit është një fushë e cila ka penetruar në të gjitha sektorët e ekonomisë. Të diplomuarit e programit profesional të studimit Dizajn dhe Zhvillim Software në Universitetin Metropolitan Tirana mund të punojnë në sektorë të ndryshëm të teknologjisë si në industri ashtu edhe në sektorin e shërbimeve.

Tregun më të madh aktualisht e dominon sektori i shërbimeve ku kompani të mëdha apo të mesme ofrojnë zgjidhje infrastrukturore klientëve të tyre si: kompani që ofrojnë shërbime komerciale dhe kanë nevojë të përpunojnë të dhëna në mënyrë që të ofrojnë shërbime më cilësore apo të fusin risi të reja më inteligjente, apo kompanitë të cilët merren në mënyrë të drejtpërdrejt në zhvillimin e aplikacioneve software (siç njihen ndryshme edhe Software House) të cilët së fundmi janë gjithnjë e më të shumtë në treg.

Një tjetër mundësi e cila po merr një përhapje të gjerë është vetëpunësimi apo punësimi në distancë siç njihet ndryshe, freelancer. Shumë të rinj me ide biznesi po krijojnë startup-et e tyre te cilat po marrin një vëmendje të veçantë në tregun e sotëm dhe mbështetje financiare nga kompani të mëdha apo fonde nga institucione publike kombëtare dhe ndërkombëtare. Kjo mundësi nuk është ekskluzive për ato që kanë ide biznesi. Kompetencat e fituara mundësojnë edhe punësimin në distancë për kompani që e mundësojnë atë duke krijuar një fleksibilitet në menaxhimin e kohës dhe punës.