Pranimet
Universiteti Metropolitan Tirana është i profilizuar në fushat Inxhinieri, Arkitekturë dhe Ekonomi. Mësimdhënia në UMT ofrohet në gjuhën shqipe si dhe në atë angleze, duke iu dhënë mundësi studentëve të përditësohen me të rejat akademike përmes programeve mesimore bashkekohore.
Kriteret e pranimit për programet Bachelor
Çdo shtetas shqiptar apo i huaj i cili ka mbaruar gjimnazin dhe ka shlyer detyrimet e Maturës Shtetërore ose ka mbaruar një cikël të njehsuar me të, ka të drejtë të aplikojë për një nga programet e ofruara nga Universiteti Metropolitan Tirana.
Aplikimet kryhen vetëm nëpërmjet portalit U-Albania. Çdo kandidat i interesuar për të ndjekur studimet pranë UMT duhet të zgjedhë Universitetin Metropolitan Tirana si një nga 10 preferencat e tij në këtë portal gjatë fazave të aplikimit.
Të gjithë kandidatët që duan të ndjekin një nga programet bachelor duhet të plotësojnë kriterin e notës mesatare të vendosur me VKM, nr.295, datë 10.05.2019.
Për programin e integruar në Arkitekturë si dhe për programet e ofruara në gjuhën angleze, studenti duhet të ketë te mbrojtur gjuhen e huaj bazuar në udhëzimin nr.52, datë 03.12.2015.
Dokumentacioni i kërkuar për regjistrimin në programet bachelor:
- Kopje e noterizuar e Diplomës së Maturës Shtetërore
- Kopje e noterizuar e Certifikatës së Maturës Shtetërore
- Në rast se kandidati ka kryer gjimnazin jashtë shtetit duhet të paraqesë Njehsimin e diplomës nga Qendra e Sherbimit Arsimor (QSHA)
- Dy fotografi (formati 3×4)
- Dokument identifikimi (fotokopje)
- Kopje e noterizuare e deshmise se mbrojtjes te gjuhes se huaj/angleze per programet e studimit qe zhvillohen ne gjuhen angleze dhe program I integruar I nivelit te dyte 5-vjecar.
Kriteret e pranimit në programet Master
Programet e studimit në Master Profesional dhe Master Shkencor ofrojnë dije të specializuara shkencore dhe praktike në një dimension më të thelluar. Programet master ofrohen në të tre fakultetet e Universitetit Metropolitan Tirana.
Për t’u regjistruar në këto programe, studenti duhet të ketë përfunduar studimet Bachelor si edhe duhet të ketë mbrojtur një prej gjuhëve të huaja (anglisht, italisht, spanjisht, gjermanisht, frëngjisht) përmes provimeve të njohura ndërkombëtarisht sipas udhëzimit të Ministrisë së Arsimit, Rinisë dhe Sportit.
Mësimi për ciklin master zhvillohet gjithmonë pasdite, nga dita e hënë deri në ditën e premte duke filluar nga ora 16:00-20:00.
Dokumentacioni i kërkuar për regjistrimin në programet Master:
- Kopje e noterizuar e diplomës Bachelor
- Kopje e noterizuar e listës së notave të ciklit Bachelor
*Në rast se kandidati ka kryer studimet e larta jashtë shtetit duhet të paraqesë Njehsimin e diplomës nga ana e Ministrisë së Arsimit, Rinisë dhe Sportit - Kopje e noterizuar e Diplomës së Maturës Shtetërore
- Kopje e noterizuar e Certifikatës së Maturës Shtetërore
*Në rast se kandidati ka kryer gjimnazin jashtë shtetit duhet të paraqesë Njehsimin e diplomës nga ana e Ministrisë së Arsimit, Rinisë dhe Sportit - Dy fotografi.
- Dokument identifikimi (fotokopje)
- CV
- Kopje e noterizuare e deshmise se mbrojtjes te gjuhes se huaj.
Kriteret e pranimit për programet profesionale 2-vjeçare
Ne programet profesionale 2-vjeçare mund te studiojne të gjithë ata qe kane perfunduar me sukses gjimnazin dhe provimet e Matures Shteterore apo nje cikel studimi te njehesuar me te ,të cilët duan te integrohen me shpejt ne tregun e punes dhe te krijojne nje kariere te tyre profesionale.
Me anë të programeve profesionale ne Dizajn Grafik, Topografi dhe GIS, Dizajn dhe Zhvillim Software, Sisteme dhe pajisje elektrike dhe Menaxhim në Hoteleri, Turizëm dhe Evente, Universiteti Metropolitan Tirana i jep rëndësi dijes praktike duke i dhënë mundësinë gjithë të rinjve të ndjekin studimet dhe t integrohen në tregun e punës.
Çdo shtetas shqiptar apo i huaj i cili ka mbaruar gjimnazin dhe ka shlyer detyrimet e Maturës Shtetërore ose ka mbaruar një cikël të njehsuar me të, ka të drejtë të aplikojë për një nga programet e ofruara nga Universiteti Metropolitan Tirana.
Aplikimet pranohen vetëm nëpërmjet portalit U-Albania. Çdo kandidat i interesuar për të ndjekur studimet pranë UMT duhet të zgjedhë Universitetin Metropolitan Tirana si një nga 10 preferencat e tij në këtë portal gjatë fazave të aplikimit.
Për të ndjekur programet profesionale, si kriter hyrës është përmbyllja me sukses e Maturës Shtetërore ose një cikël të njehsuar me të.
Dokumentacioni i kërkuar për regjistrimin në programet profesionale 2-vjeçare:
- Kopje e noterizuar e Diplomës së Maturës Shtetërore
- Kopje e noterizuar e Certifikatës së Maturës Shtetërore
*Në rast se kandidati ka kryer gjimnazin jashtë shtetit duhet të paraqesë njehsimin e diplomës nga Qendra e Sherbimit Arsimor (QSHA). - Dy fotografi (formati 3×4)
- Dokument identifikimi (fotokopje)
UMT pajis të gjithë studentët të cilët regjistrohen për herë të parë në një cikël studimi Bachelor ose Program Profesional me:
- Karta e studentit
- Akses në web-mail dhe platformën universitare edu4schools
Programet e studimit të ofruara në Universitetin Metropolitan Tirana janë në profilet më të kërkuara në tregun e punës, çka i mundëson studentëve një sukses të garantuar profesional pas diplomimit.
- Programet profesionale zgjasin 2 vite akademike dhe kanë 120 ECTS.
- Programet Bachelor zgjasin 3 vite akademike dhe kanë 180 ECTS.
- Programet e Integruara të Ciklit të Dytë zgjasin 5 vite akademike dhe kanë 300 ECTS.
- Programet Master Profesional zgjasin 1 vit akademik dhe kanë 60 ECTS.
- Programet Master Shkencor zgjasin 2 vite akademike dhe kanë 120 ECTS.
- Programi i ciklit të tretë të doktoratës në “Inteligjencë Artificiale dhe Sisteme Inteligjente” ka një kohëzgjatje prej tre deri në katër vite akademike
UMT pajis të gjithë studentët të cilët regjistrohen për herë të parë në një cikël studimi Bachelor ose Program Profesional me Çantën e Studentit ku përfshihet:
- CD me leksionet didaktike
- Guida e studentit
- Akses në Sekretarinë on-line dhe web-mail
- Rregullore e studentit
- Karta e studentit