Master i Shkencave në Menaxhim në Inxhinieri

Objektivi i programit të Studimit Master Shkencor në “Menaxhim në Inxhinieri është të ofrojë studime të thelluara për të gjithë studentët në fushën e Menaxhimit në Inxhinieri, të mundësojë zhvillimin e punës kërkimore në këtë fushë si dhe të përgatisë profesionistë në fushën e menaxhimit të projekteve dhe të ndryshimit. Nëpërmjet tij studentët marrin njohuri akademike jo vetëm mbi menaxhimin e projekteve por dhe në teknikat e përdorura për menaxhimin efikas të tyre. Gjatë këtij cikli studimi studentët thellojnë njohuritë mbi ekonominë e ndërmarrjes, mbi sistemet e qëndrueshme, mbi programimin dhe menaxhimin e kantiereve, mbi metodat e teknikat e nevojshme për menaxhimin dhe vlerësimin e projekteve, duke u aftësuar në përpilimin, administrimin dhe realizimin me sukses të plan-projekteve të tipologjive të ndryshme, në të gjitha fazat e tyre: identifikimi, planifikimi, realizimi, mbyllja. Pas përfundimit të programit, studentët thellojnë njohuritë në fushën e menaxhimit, planifikimit dhe kërkimit në sektorë të ndryshëm të ekonomisë. 

Ky program është konceptuar që:

• Të sigurojë një mjedis intelektualisht sfidues të të mësuarit me një gamë të gjerë kursesh, duke kombinuar studimet teorike me realitetin praktik, si edhe i ofron mundësi studentëve për të vazhduar në ciklin e tretë të studimeve.
• Të zhvillojë mendimin analitik dhe kritik, si edhe të rrisë aftësitë teknike, konceptuale dhe ndërpersonale të domosdoshme për menaxherët e sotëm.
• Të stimulojë dhe inkurajojë bashkëpunimin midis studentëve që do të vazhdojnë karrierën akademike duke qenë të fokusuar në kërkimet shkencore dhe zhvillimet teorike me zhvillimet reale dhe problematikën konkrete që ndeshin bizneset dhe institucionet në veprimtarinë e tyre të përditshme.

Ky program studimi është hartuar duke u bazuar në tendencat strategjike të zhvillimit ekonomik të tregut Shqiptar dhe tendencave të tregjeve të huaja. Duke ofruar module me karakter të mirëfilltë teorik dhe praktik, që ofrojnë njohuri nga fusha e menaxhimit të kompanive, menaxhimit të cilësisë, industrializimit të produktit, logjistikës, organizimit, menaxhimit të projekteve dhe menaxhimit të kontratave.

• Praktikat më të mira nga institucionet prestigjioze janë inkorporuar për të krijuar një përvojë mësimore kërkuese dhe gjithëpërfshirëse. Kurrikula është projektuar duke tërhequr njohuri nga universitetet më të mira globale, duke siguruar që programi të pasqyrojë tendencat më të fundit të industrisë, përparimet teknologjike dhe standardet akademike në menaxhimin e projekteve dhe sistemeve te prodhimit.
• Kurrikula jonë kombinon njohuritë bazë me metodat më të avancuara dhe aplikacionet e botës reale të dizajnuara për të kënaqur nevojat gjithnjë në ndryshim të biznesit modern.
• Stafi Akademik siguron që studentët të fitojnë njohuri të përshtatshme dhe të dobishme duke sjellë në tryezë një shumëllojshmëri të formave akademike dhe përvojave profesionale. Anëtarët e stafit akademik marrin pjesë aktive në partneritete biznesi dhe kërkime shkencore, gjë që e përmirëson kurrikulën tonë me ekspertizë praktike.
• Programi ynë i jep përparësi të menduarit kritik, zgjidhjes së problemeve dhe komunikimit efektiv përveç aftësive teknike.
• Si pjesë e programit të studimit, instituti ynë ka partneritete me subjekte në fushën e inxhinierisë dhe menaxhimit që kërkojnë që studentët të përmbushin praktikat profesionale dhe të zbatojnë njohuritë akademike.

Profili ndërdisiplinor i këtij programi i kombinuar me njohuri nga inxhinieria dhe ekonomia, krijon hapësira të gjëra punësimi në shumë fusha të ekonomisë, të administratës publike e private të të gjitha niveleve, brenda dhe jashtë vendit. Të diplomuarit në programin e studimit, “Master Shkencor” në Menaxhim në Inxhinieri do të jenë të aftë të punojnë në një shumëllojshmëri kontekstesh. Fushat profesionale tipike të parashikuara që do të përthithin specialistë të formuar nga programi i studimit të ciklit të dytë Master i Shkencave në Menaxhim në Inxhinieri janë ato që merren kryesisht me projektimin dhe administrimin e sistemeve të integruara, me zgjedhjen e teknologjive të përshtatshme të kohës dhe me integrimin e tyre, me planifikimin, me kontrollin e administrimit dhe vlerësimin e investimeve, me vlerësimin e efektivitetit ekonomik te tyre. Aftësitë profesionale të diplomuarve në këtë program krijojnë hapësira punësimi jo vetëm në sektorë të industrisë por dhe në shoqëri të konsulencës (strategjike, organizative, informative), private ose shtetërore. Figurat profesionale kryesore që dalin prej këtij programi studimi janë si me poshtë, por jo vetem:

• Menaxher i Projekteve,
• Menaxher i burimeve njerëzore,
• Konsulenti strategjik,
• Inspektor i sigurimit të cilësisë
• Dizajner industrial
• Mbikëqyrësi i sistemeve të prodhimit
• Analist i zinxhirit të furnizimit
• Analist i efiçiencës së energjisë, etj.