Master i Shkencave në Ekonomik – MBA

Programi Master i Shkencave në Ekonomik – MBA ka për qëllim t’u japë studentëve dije të thelluara shkencore në fushën e administrimit të biznesit, duke u dhënë njohuritë dhe aftësitë e nevojshme për të operuar në rolet menaxheriale brenda kompanive të ndryshme apo të zhvillojnë sipërmarrjet e tyre. Në këtë program studimi, nëpërmjet kurrikulave bashkëkohore, merren elementë të profesionalizmit dhe të specializimit, si dhe jepet mundësia e thellimit të aftësive në kërkimin shkencor dhe studime doktorale në ekonomi.

Mësimdhënia pasurohet nga leksionet e hapura me profesionistë të fushës që ndajnë me studentët përvoja të veçanta, vizita në kompanitë më të suksesshme shqiptare, diskutime të rasteve studimore apo projekte të ndryshme në grup. Studentët specializohen në qeverisjen e koorporatave, strategjitë e operacioneve, strategjitë e marketingut, menaxhimin e projekteve etj.