Menu
Programi i studimit Bachelor në Inxhinieri Software përgatit profesionistët e rinj në fushën e projektimit dhe operimit të sistemeve software mbi bazat e parimeve inxhinierike. Programi ka si qëllim të përgatisë inxhinierë të kualifikuar të cilët njohin sistemet kompjuterike dhe janë të aftë të implementojnë dijet e tyre në praktikë, duke zhvilluar projekte të ndryshme në fushën e programimit.
Projektimi, implementimi, testimi, shpërndarja dhe mirëmbajtja e sistemeve software të mëdha dhe komplekse kërkojnë njohuritë dhe aftësitë e një inxhinieri.
Të diplomuarit në Inxhinieri Software në Universitetin Metropolitan Tirana mund të punojnë në sektorë të ndryshëm ku përfshihen bankat, kompanitë e mëdha ndërkombëtare me departamentet e teknologjisë së informacionit, sektorin publik, universitetet si edhe mund të punojnë si profesionistë të lirë.
Studentët kanë mundësinë që gjatë gjithë ciklit të studimeve të ushtrohen në laboratorët përkatës si Laboratori i zhvillimit Software, Laboratori i simulimeve kompjuterike dhe Laboratori multifunksional, me pajisjet më të avancuara teknologjike.
Programi i studimit Bachelor në Inxhinieri Software ka si qëllim të përgatisë profesionit në fushën e teknologjisë në përgjithësi dhe me një orientim të veçantë në projektimin, zhvillimin, testimin dhe mirëmbajtjen e aplikacioneve software. Gjatë këtij cikli studimit studentët kanë mundësinë të njihen me bazat teknologjisë së informacionit duke marrë një panoramikë të përgjithshme mbi pjesën hardware (arkitekturat e kompjuterave dhe sistemeve kompjuterike) dhe software (ndërtimi i sistemeve të informacionit dhe aplikacionet e ndryshme).
Ky program studimi ka një fokus të veçantë në gjuhët e programimit duke studiuar në veçanti disa nga gjuhët më të përdorura të programimit dhe që mbulojnë një gamë të gjerë të qasjeve të përdorura. Gjuhët që trajtohen gjatë këtij cikli studimi janë: C si paraprije e njohurive bazë të programimit dhe përdorimi i saj në sistemet me komputacion të lartë (High Performance Computing), Java si përfaqësuesja më e denjë e familjes së gjuhëve të orientuara në objekte (Object Oriented Programming) e cila ka një përdorim mjaft të gjerë në sajë të fleksibilitetit dhe pavarësisë nga platformat e ekzekutimit; HTML/CSS për programin front-end në Web, PHP për programimin back-end në Web, SQL për menaxhimin e bazave të të dhënave, Shell Script për menaxhimin e sistemte oprative, etj.
Krahas gjuhëve të programimit një tjetër fokus i rëndësishëm është inxhenieria e software-it ku studenti njihet me gjithë ciklin e zhvillimit të një aplikacioni, që nga komunikimi me klientin dhe mbledhja e kërkesave, tek projektimi i zgjidhjes, përzgjedhja e platformave dhe gjuhëve të programimit, zhvillimi, testimi dhe mirëmbajtja e aplikacioneve apo sistemeve software.
Programi i studimit Bachelor në Inxhinieri Software është një program me rendësi, i krijuar tërësisht përmes hulumtimeve në tregun e punës si vendas dhe të huaj, si dhe krahasimin me programet e universiteteve të huaja. Ky programi është një zgjedhje bindëse për profesionistë të ardhshëm sepse:
Teknologjia e informacionit është një fushë e cila ka penetruar në të gjithë sektorët e ekonomisë, dhe sot është promotori i ndryshimeve dhe novacioneve të mëdha në treg. Të diplomuarit në Inxhinieri Software në Universitetin Metropolitan Tirana mund të punojnë në sektorë të ndryshëm, jo vetëm në kompanitë të cilët merren në mënyrë të drejtpërdrejt në zhvillimin e aplikacioneve software të cilët së fundmi janë gjithnjë e më të shumtë në treg, por edhe në kompani si: bankat apo institucione financiare, në institucione publike dhe private që kanë sisteme informacioni në menaxhimin e shërbimeve, në industrinë e lehtë dhe të rëndë në menaxhimin e sistemeve të informacionit.
Një tjetër mundësi e cila po merr një përhapje të gjerë është vetëpunësimi apo punësimi në distancë siç njihet ndryshe me emrin freelancer. Kompetencat e fituara mundësojnë edhe punësimin në distancë për kompani që e mundësojnë atë duke krijuar një fleksibilitet në menaxhimin e kohës dhe punës. Ndërkohë që shumë të rinj me ide biznesi në zgjidhje të inxhinierisë software po krijojnë startup-et e tyre të cilat po marrin një vëmendje të veçantë në tregun e sotëm dhe mbështetje financiare nga kompani të mëdha apo fonde nga institucione publike kombëtare dhe ndërkombëtare.
Për studentët e programit të inxhinierisë software, ka një larmi të gjerë mundësish për punësim dhe karrierë, disa prej profileve të punës përfshijnë:
3 Vite
180 ECTS
Full- time
EN
Dr. Elton Domnori
edomnori@umt.edu.al