Bachelor në Inxhinieri Ndërtimi

Programi i studimit Bachelor në Inxhinieri Ndërtimi ka objektiva të përcaktuara qartë për formimin profesional dhe shkencor të studentëve duke i aftësuar ata në zbatimin e njohurive të marra në disiplinat e kurrikulës, duke iniciuar dëshiren për tu përfshire në logjikën e profesionit e duke nxitur pasionin për t’i thelluar njohuritë në të ardhme me cikle të tjera studimesh, duke kuptuar rëndesine e vrojtimit shkencor e duke rritur përgjegjësinë në vlerësimin e rezultateve të analizave tekniko-laboratorike, duke njohur kërkesat në tregun e punës, dhe duke i ndërgjegjësuar për rëndësinë dhe dobinë e kontributit të tyre në procesin prodhues.

Në bazë të koncepteve themelore në syllabuset e lëndëve, në këtë program studimi synohet t’u jepen studentëve dije, aftësi dhe kompetenca profesionale që karakterizojnë profilin e tij. Konkretisht ky program studimi synon:

• Të krijojë, të transmetojë, të zhvillojë dijet në fushën e inxhinierisë së ndërtimit me anën e mësimdhënies, kërkimit shkencor dhe praktikave;
• Të ofrojë mundësi dhe bazën për të përfituar nga arsimimi i vazhdueshem gjatë gjithë jetës;
• Të pajise ekspertët e ardhshëm të ndërtimit me koncepte dhe aftësi për të krijuar metoda e mekanizma të kërkimit, studimit dhe zbulimit në këte fushë;
• Të pajisë studentët me mënyrën e identifikimit dhe formulimit të problemeve si dhe zgjidhjen e tyre, duke përdorur metodat, teknikat dhe mjetet metodologjike-operacionale të nivelit inxhinierike, në raport me fusha të caktuara të ndërtimit që lidhen me problemet, duke thelluar njohjen e tyre.
• Të zotërojnë njohuritë e nevojshme për bazat teorike, metodologjike dhe teknike për vlerësimin e aspekteve të ndryshme inxhinierike;
• Të zotërojnë njohuritë dhe aftësitë e nevojshme për bashkëveprim me faktorë të tjerë në kontekste pune të ndryshme.

Programi synon ne pervetesimin e aftesive te meposhtem:

• aftësi për të zbatuar njohurite teorike të disiplinave shkencore dhe inxhinierike;
• aftësi për të hartuar dhe menaxhuar një situate teknike tipike ne ndertim;
• aftësi për të funksionuar në grupime profesionale ;
• aftësi dhe kompetenca për të identifikuar, formuluar dhe zgjidhur probleme standarte te inxhinierise se ndertimit;
• perceptim dhe njohje të pergjegjesise profesionale dhe etike;
• aftësi për të komunikuar në mënyrë efektive ne fushen e teknikes;
• aftësi dhe orientim për të përdorur teknikat dhe mjetet moderne inxhinierike të nevojshme për punën si inxhinierë etj.

Programi i studimit Bachelor në Inxhinieri Ndërtimi siguron formimin e shprehive të veçanta në një gamë të gjere specialitetesh të përshtatshme për fusha të ndryshme pune në projektim dhe në zbatim, analizë strukturore, dizajn dhe menaxhim ndërtimi etj. Inxhinierët e ardhshëm mund kontribuojne dhe të administrojnë biznese të ndërtimit, të punësohen në kompanitë e ndërtimit, në firma këshilluese dhe audituese, firma prodhuese industriale, të përfshihen në agjensitë e ndryshme qeveritare, etj. Të diplomuarit gjithashtu fitojnë kompetencat e nevojshme për të vazhduar karrierën e tyre akademike. Një ndër objektivat në planin strategjik është përditësimi i programit mësimore sipas nevojave të tregut të punës. Profili i programit karakterizohet nga një fleksibilitet i madh. Ky programi studimi është formuluar dhe përmirësuar pas një pume të gjatë vëzhgimi dhe analizimi të vazhdueshëm të tregut, pas studimeve të posaçme për vlerësimin e mundësive të punësimit të studentëve dhe Departamenti është në kontakt të vazhdueshëm me shumë institucione publike dhe private si dhe specialistë të fushës për të marrë prej tyre një vlerësim cilësor për specialistët e diplomuar nga ky program studimi dhe perspektivat e zhvillimit në të ardhmen.

Të diplomuarit në programin e studimit Bachelor në Inxhinieri Ndërtimi orientohen të punojnë në fusha të ndryshme të profesionit si:

• Specialistë në zbatimin e projekteve te ndërtimit të banesave, objekteve sociale dhe kulturore, veprave të infrastrukturës së transportit, veprave ujore, objekteve industriale etj
• Specialistë në projektimin e objekteve të mësiperme;
• Specialistë në prodhimin e materialeve të ndërtimit;
• Specialistë në mirëmbajtjen e objekteve dhe rinovimin e tyre;
• Specialistë në teknikën e vlerësimit të cilësive të materialeve;
• Specialistë në vlerësimin e pasurive te palujteshme etj