Inxhinieri Kompjuterike

Programi Bachelor në Inxhinieri Kompjuterike përfshin dizenjimin dhe përpunimin e të dhënave përmes pjesëve hardware dhe software të një kompjuteri. Pjesët hardware përfaqësojnë komponentët fizikë si për shembull procesorët, kartat e memories dhe çdo pajisje tjetër periferike, ndërsa pjesët software përfshijnë të gjitha programet që përdoren për të kryer një detyrë të caktuar.

Në përfundim të këtij programi, studenti është i aftë të kryejë eksperimente, të analizojë dhe të interpretojë të dhënat, të dizenjojë një sistem me të gjitha komponentët e tij dhe të identifikojë problemet duke u dhënë zgjidhje teknike. Programi i studimit fokusohet në përgatitjet bazë teknike dhe shkencore në disa disiplina, duke i lejuar një të diplomuari të specializohet në fushat profesionale që karakterizojnë një Inxhinier Kompjuterik. Me aftësitë e fituara, studentët e diplomuar në këtë program mund të punojnë si brenda ashtu edhe jashtë vendit, në sektorin publik dhe atë privat si administrator rrjetash kompjuterikë, zhvillues programesh, inxhinierë të pjesëve hardware, analist sistemesh etj.