Bachelor në Inxhinieri Kompjuterike

Programi i studimit Bachelor në Inxhinieri Kompjuterike ka si qëllim të përgatisë profesionistë në fushën e teknologjisë në përgjithësi dhe me një orientim të veçantë në projektimin, implementimin, testimin dhe mirëmbajtjen e arkitekturave komplekse si dhe garantimin e sigurisë së informacionit në sistemet on-line. Fokusi kryesorë mbetet dixhitalizimi i proceseve të punës në dy drejtime kryesore: në industri, pra në automatizimin e proceseve të punës me anë të kontrollit dixhital dhe në shërbime me fokus kryesorë tek përpunimi i të dhënave. Një aspekt i rëndësishëm është ndërthurja me inteligjencën artificiale dhe asaj që sot njihet me termin “Internet of Things” me qëllim e dhënies së shërbimeve të reja apo përmirësimin e shërbimeve ekzistuese më bazë operimin dixhital.

Gjatë këtij cikli studimit studentët kanë mundësinë të njihen me bazat teknologjisë së informacionit duke marrë njohuri të përgjithshme mbi pjesën hardware, pra, arkitekturat e kompjuterëve dhe ndërthurjen e njësive të ndryshme për ekzekutimin e sistemeve komplekse duke përmbushur nevojat për përpunimin dhe shkëmbim të sigurt të dhënash. Gjithashtu, programi i studimit ofron një panoramike të gjuhëve të programimit duke studiuar nga një gjuhë për çdo familje.

Ndër gjuhët e programimit cilësojmë: C si paraprije e njohurive bazë të programimit dhe përdorimi i saj në sistemet me komputacion të lartë (High Performance Computing), Java si përfaqësuesja më e denjë e familjes së gjuhëve të orientuara në objekte (Object Oriented Programming) e cila ka një përdorim mjaft të gjerë në sajë të fleksibilitetit dhe pavarësisë nga platformat e ekzekutimit; HTML/CSS për programin front-end në Web, PHP për programimin back-end në Web, SQL për menaxhimin e bazave të të dhënave, dhe Shell Script për menaxhimin e sistemeve operative.

Programi i studimit Bachelor në Inxhinieri Kompjuterike është një program me rendësi, i krijuar tërësisht përmes hulumtimeve në tregun e punës si vendas dhe të huaj, si dhe krahasimin me programet e universiteteve të huaja. Ky programi është një zgjedhje bindëse për profesionistë të ardhshëm sepse:

• Plani mësimor është i hartuar me kujdes duke u bazuar në programet e universiteteve të rëndësishme kombëtare dhe ndërkombëtare, duke u siguruar që programi pasqyron zhvillimet më të fundit të shkencës, përparimet teknologjike dhe standardet akademike në fushën e teknologjisë dhe me një drejtim specifik në projektimin, implementimin, testimin dhe mirëmbajtjen e arkitekturave komplekse si dhe garantimin e sigurisë së informacionit në sistemet on-line.
• Janë të futura praktikat më të mira nga institucione të njohura për të krijuar një qasje mësimdhënëse të qëndrueshme, gjithëpërfshirëse me në qëndër studentin. Ky program përfshin një gërshetim të njohurive kryesore, teknikave të avancuara dhe aplikimeve praktike përmes dhënies së shërbimeve të reja, apo përmirësimin e shërbimeve ekzistuese më bazë operimin digjital, të përshtatura tamam, për të përmbushur kërkesat dinamike të tregut të sotëm.
• Stafi akademik pranë Fakultetit të Shkencave Kompjuterike dhe IT sjell një larmishmëri të përvojës akademike dhe tregut të punës, duke siguruar që studentët të marrin njohuri të avancuara dhe praktike. Stafi akademik është i angazhuar në kërkime shkencore dhe bashkëpunime me tregun e punës, duke e fokusuar programin dy drejtime kryesore: në industri, pra në automatizimin e proceseve të punës me anë të kontrollit digjital dhe në shërbime me drejtim tek përpunimi i të dhënave.
• Përtej aftësive teknike, programi trajton kompetenca të tërthorta dhe afatgjata si të menduarit kritik dhe krijues, zgjidhjen e problemeve dhe qasje të tilla si komunikimi, dëgjimi dhe empatia. Studentët e diplomuar janë të pajisur jo vetëm me përvoja teknike, por edhe me aftësi për të nxitur vendimmarrjen në qasje organizuese.
• Ka një përkushtim ndaj përmirësimit të vazhdueshëm dhe përditësimit të kurrikulës, bazuar në reagimet e tregut të punës, alumni dhe zhvillimet e kërkimit shkencor brenda dhe jashtë vendit. Kjo siguron që të diplomuarit të marrin njohuri të përgjithshme mbi pjesën hardware, pra, arkitekturat e kompjuterëve dhe ndërthurjen e njësive të ndryshme për ekzekutimin e sistemeve komplekse duke përmbushur nevojat për përpunim dhe shkëmbim të sigurt të dhënash. Gjithashtu mësohet nga një gjuhë për çdo familje programimi.

Teknologjia e informacionit është një fushë e cila ka penetruar në të gjitha sektorët e ekonomisë. Të diplomuarit e programit të studimit Bachelor në Inxhinieri Kompjuterike në Universitetin Metropolitan Tirana mund të punojnë në sektorë të ndryshëm të teknologjisë si në industri ashtu edhe në sektorin e shërbimeve.

Tregun më të madh aktualisht e dominon sektori i shërbimeve ku kompani të mëdha apo të mesme ofrojnë zgjidhje infrastrukturore klientëve të tyre si:

• kompanitë e telekomunikacionit, ISP-të (Internet Service Provider), shërbimet në Cloud, etj., 
• kompani që ofrojnë shërbime komerciale dhe kanë nevojë të përpunojnë të dhëna në mënyrë që të ofrojnë shërbime më cilësore apo të fusin risi të reja më inteligjente, apo
• kompanitë të cilët merren në mënyrë të drejtpërdrejt në zhvillimin e aplikacioneve software (siç njihen ndryshme edhe Software House) të cilët së fundmi janë gjithnjë e më të shumtë në treg.

Megjithëse akoma në një fazë evoluimi, sektori i industrisë po dixhitalizohet dhe proceset e punës po kontrollohen në mënyrë automatike. Jo vetëm cikli i prodhimit por edhe stokimi dhe shpërndarja e produkteve finale organizohet nga sisteme kompjuterike dhe nevoja e inxhinierëve kompjuterik është gjithnjë e më e nevojshme.

Një tjetër mundësi e cila po merr një përhapje të gjerë është vetëpunësimi apo punësimi në distancë siç njihet ndryshe, freelancer. Shumë të rinj me ide biznesi po krijojnë startup-et e tyre te cilat po marrin një vëmendje të veçantë në tregun e sotëm dhe mbështetje financiare nga kompani të mëdha apo fonde nga institucione publike kombëtare dhe ndërkombëtare. Kjo mundësi nuk është ekskluzive për ato që kanë ide biznesi. Kompetencat e fituara mundësojnë edhe punësimin në distancë për kompani që e mundësojnë atë duke krijuar një fleksibilitet në menaxhimin e kohës dhe punës.