Dr. Igli Hakrama është lektor prej shumë vitesh i specializuar në fushat e Inxhinierisë Software, Inteligjencës Artificiale dhe në inxhinierimin e proceseve ekonomike. Ai drejton Qendrën e Inovacionit në UMT, si edhe është dhe supervizori i Laboratorit të Inteligjencës Artificiale. Aktiviteti i tij si lektor ka qenë kryesisht në lëndët e programimit, Web-it, bazat e të dhënave, inxhinieria softuerë dhe inteligjenca artificiale. Fusha e tij kërkimore është në aplikimin e metodave të inxhinierisë softuerë dhe të inteligjencës artificiale në sisteme informacioni, në nxjerrjen e të dhënave dhe proceseve, inxhinierinë softuer të bazuar në agjentë dhe modelim e simulim të bazuar në agjent. Gjithashtu ai ka një eksperience disa vjeçare në modelime dhe projektime sistemesh informacioni në infrastruktura te ndryshme.

Historiku i tij arsimor konsiston në: Diplomë në degën Informatikë, Master shkencor në Studime Ekonomike Europiane nga Universiteti Bamberg në Gjermani dhe Universiteti i Tiranës; Master i nivelit të dytë në Inxhinieri Kompjuterike, Doktoraturë me temë “Modelime ekonomike të bazuara në agjent inteligjent”.

Ai është aktivisht i angazhuar në komunitetin teknologjik te startupeve shqiptare dhe më gjerë, ku ka mentoruar dhe drejtuar të rinjtë me ide inovatore në faza të ndryshme të zhvillimit të idesë së tyre deri në hedhjen në treg.

Ai është ekspert në Inxhinierimin e Inovacionit, që nga elementët bazë të idesë së biznesit deri në inxhinierimin e elementëve inovatorë të saj nëpërmjet përdorimit të teknikave të Inxhinierisë softuer dhe Inteligjencës artificiale.

• PhD on Information Systems, University of Tirana, 2019

• MND, Epoka University, Master in Computer Engineering-2011, Tirane, Albania

• MND, University of Tirana, Master in European Economic Studies-2010, Tirane, Albania o Double Diploma with Master of Science title from Bamberg University

• BSc, University of Tirana, Business Informatics-2008, Tirane, Albania