Bursat e Studimit
Bursat e studimit për programet bachelor
Universiteti Metropolitan Tirana vlerëson talentin dhe përkushtimin tuaj! Për të gjithë maturantët ekselentë, UMT ofron bursa të plota dhe të pjesëshme për gjatë gjithë ciklit të studimeve bachelor. Kjo është mundësia juaj për të ndjekur ëndrrat dhe për të shkëlqyer në një mjedis akademik të avancuar. Universiteti Metropolitan Tirana, si një universitet me profil shkencor, vlerëson jo vetëm notën mesatare të tri viteve të gjimnazit, por edhe rezultatet në lëndët e Matematikës dhe Fizikës. Përveç këtyre, merret parasysh edhe pjesëmarrja në aktivitete shtesë si olimpiada dhe angazhimi social.
LLOGARIT BURSËN - APLIKO ONLINE
Kategorite e bursave
1. Bursat e Ekselencës
Mesatarja e notave: Mesatarja e notave duhet të jetë mbi 9.0.
Përfshirja në aktivitete shkollore: Aktivitetet shkollore si pjesëmarrja në projekte kërkimore, konkurse akademike, ose aktivitete që tregojnë angazhim dhe përkushtim për shkencën dhe edukimin.
Arritje të tjera akademike: Dëshmi të rezultateve të shkëlqyera në provime kombëtare.
2. Bursat Sociale
Vështirësi ekonomike: Dëshmi që familja ka të ardhura të ulëta ose përfiton ndihmë sociale.
Vështirësi sociale: Mund të përfshijë situata si jetesa në kushte të vështira, prindër të papunë, fëmijë jetimë ose me nevoja të veçanta.
Dokumentacioni i nevojshëm: Pasqyra e të ardhurave të familjes dhe dokumente që vërtetojnë gjendjen sociale (raporte nga shërbime sociale, certifikata të varfërisë, etj.).
3. Bursat e Talentit
Arritje në fusha të caktuara: Dëshmi të arritjeve të shkëlqyera në teknologji, kulturë, art, sport, etj.
Pjesëmarrje në olimpiada ose konkurse kombëtare ndërkombëtare: Dëshmi të pjesëmarrjes dhe rezultateve të fituara në gara të tilla.
Rekomandime nga mentorë ose profesionistë: Dëshmi për aftësitë dhe talentin e jashtëzakonshëm, të mbështetura nga ekspertë të fushës.
4. Bursat për Fëmijët e Arsimtarëve
Prindërit mësues: Të paktën një prind duhet të jetë mësues në sistemin parauniversitar shqiptar (shkolla publike ose private) ose të punojë në Universitetin Metropolitan të Tiranës (UMT).
Dokumente të vërtetimit të statusit të prindit: Certifikatë që tregon statusin e prindit si mësues ose punonjës në arsim (p.sh., akt të punësimit, kontratë pune, etj.).
Fëmijët e prindërve në fushat e tjera arsimore: Mesatarja e gjimnazit minimalisht 8, për të garantuar që studentët janë të angazhuar në mësime.
***Bursat akordohen sipas kritereve të qarta, të barabarta dhe bazohen në punën dhe rezultatet e studentëve. Gjithashtu, UMT përmbush përgjegjësinë sociale duke ofruar një proces transparent dhe të thjeshtë aplikimi.
Çdo i interesuar mund të rezervojë studimet në një prej programeve të studimit në UMT duke filluar nga muaji dhjetor.
Universiteti Metropolitan Tirana mundëson tarifa të reduktuara studimi për rezervime të hershme. Kliko për tu njohur mbi tarifat e studimit.