Arkitekturë Programi i Integruar i Ciklit të Dytë

Programi i studimit Master Shkencor në Arkitekturë ka si objektiv t`u sigurojë studentëve njohuritë themelore shkencore e bashkëkohore në fushën e arkitekturës, si dhe t’u mundësojë zotërimin e njohurive të thelluara profesionale në disiplina specifike të lidhura me të si: inxhinieria, urbanistika, bio-arkitektura, projektimi i interierit, restaurimi i ndërtesave të trashëgimisë kulturore e historike, etj.

Në fokus të programit vendoset bashkërendimi i zgjidhjes arkitektonike bashkëkohore me sistemet konstruktive, teknologjinë dhe materialet ndërtimore si dhe aplikimi i teknikave, e mjeteve që ofrohen nga softuerët bashkëkohorë si; Autocad 2D dhe 3D, Photoshop, 3D Studio Max, Revit, etj.

Studentët në këtë program njihen me menaxhimin e procesit të ndërtimit duke filluar nga hartimi i projektit, formulimi i dokumentacionit, etika e zbatimit të kuadrit ligjor, problemet e kantierit dhe sigurisë, si dhe të gjitha fazat e punës deri në dorëzimin e objektit. Këto të fundit do të mundësohen nëpërmjet kombinimit të programit teorik me atë praktik, të zhvilliuar gjatë gjithë ciklit të studimit nëpërmjet punës në kantier dhe në studio projektimi.

Në përfundim të këtij program studenti të gëzojë karakteristikat profesionale si më poshtë:

• Aftësia për të aplikuar njohuritë – Aftësi të aplikojë me standard të lartë dhe në mënyrë të pavarur njohuritë me të cilat pajiset edhe në fusha specifike si: Arkitekturë, Arkitekturë Inxhinierike, Bio – Arkitekturë, Arkitekturë Resaturimi dhe Arkitekturë Interieri.
• Autonomia e marrjes së vendimeve – Studenti, ne procesin e aplikimit të njohurive të marra di të vlerësoje, të argumentojë dhe të mbështesë gjetjet më të përshtatshme dhe më konkurruese në lidhje me projektet që ai individualisht ose në grup ka hartuar ose projektet dhe aplikimet për të cilat i kërkohet opinion.
• Aftësitë në komunikim – Studentët fitojnë aftësinë të mira komunikuese në lidhje me marrjen e mendimeve nga publiku, bashkëpunimin efektiv në grup, prezantimin profesional të projekteve përpara publikut ose komisioneve vlerësuese.
• Aftësitë e diskutimit profesional dhe vendimarrjes – Përgatitja teorike dhe aplikative në fushën e Arkitekturës i aftëson studentët të zhvillojnë studime të specializuar me një niveli të lartë autonomie, të përballojnë diskutime dhe argumente nga më komplekset si dhe të marrin vendime në fushën profesionale.
• Kryerja e studimeve të avancuara – Studentëve u krijohet mundësia të kryejnë studime më të avancuara në profilet e Arkitekturës Inxhinierike, Bio – Arkitektekturës, Arkitekturës së Resaturimit, Arkitekturë së Interierit. Pesha që i jepet studimit individual dhe mënyrave të ndryshme të verifikimit dhe aplikimit të njohurive të marra i lejon studentët të thellojnë njohuritë dhe aftësitë nëpërmjet të mësuarit të vazhdueshem.

Programi i Studimit Master Shkencor në Arkitekturë është hartuar për t’iu ofruar studentëve një arsimim cilësor teorik dhe praktik, duke patur si referencë kërkesat bashkëkohore të industrisë së ndërtimit dhe procesit të projektimit arkitektonik. Ky program është formuluar për të përmbushur nevojat e tregut dhe për të pajisur studentët me aftësitë dhe njohuritë e nevojshme për një karrierë të suksesshme në fushën e projektimit arkitektonik. sepse:

• Programi është bazuar në një studim të detajuar të kërkesave të bashkëkohore në vend e më gjerë, duke siguruar që të pregatisë studentë me cilësit të larta për tregun e punës.
• Plani mësimor është hartuar duke ndërthurur teorinë e praktikën me metodat dhe mjetet bashkëkohore, duke e bërë programin tonë të përditësuar dhe të përshtatshëm për nevojat e aktuale të tregut.
• Stafi yne akademik përbehet nga profesionistë me përvojë të gjerë në fushën e dizajnit, artit dhe akademisë, të cilët sjellin njohuri praktike dhe teorike në klasë, duke ofruar një përvojë të pasur mësimore.
• Programi thekson aftësitë komunikuese dhe bashkevepruese të domosdoshme per realizimin e punimeve komplekse e gjitheperfshirëse.
• Programi synon të zhvillojë aftësitë e mendimit kritik, zgjidhjes së problemeve, duke përgatitur studentët për të marrë vendime strategjike në projektet e tyre.
• Programi i jep mundësi studenteve të kenë një profilizim profesional të orientuar drejt kërkesave aktuale të tregut e të shoqërisë në fushën e arkitekturës.

Referuar kërkesave dhe eksperiencave kombëtare e ndërkombëtare në fushën e arkitektures, nëpërmjet këtij programi synohet të sigurohet një shkollim bashkëkohor i studentëve, që përmbush në mënyrë cilësore kërkesat e tregut shqiptar e më gjerë.

Situata aktuale e zhvillimit të ndërtimeve në vend; tendencat bashkëkohore për një ndërthurje të teknologjive dhe modeleve të konstruksionit me funksionin dhe trajtimin estetik të strukturave; domosdoshmeria për ruajtjen, rivlerësimin dhe restaurimin e vlerave historike ndërtimore dhe arkitektonike të trashëguara në mbarë vendin; kërkesat gjithnjë në rritje për trajtimin estetik e komopozicional bashkëkohor të interiereve të banesave, ambjenteve sociale e kulturore, ambjenteve tregëtare, të shërbimit; përdorimi në masë gjithnjë më të madhe i materialeve të qendrueshme dhe burimeve të rinovueshme të energjisë; etj evidentojnë një kërkesë në rritje për eksperte të arkitekturës të profilizuar në fushat e lidhura me këto zhvillime.