Pjesëmarrje e Dr. Alba Skendaj, Zv. Dekanes së Fakultetit të Ekonomisë, për të përfaqësuar UMT në Workshopin “Advanced Project Development“, organizuar nga COORP (Collaborative Offline Online Research Platform) në bashkëpunim me Institutin IDS (Institute of Development Studies), Universiteti i Sussex-Angli, mbajtur në datat 18-21 Shtator 2018.

Ekspertët e IDS (rankuar numër 1 në botë nga QS World Rankings 2018 për studime të zhvilluara, me mbi 200 aplikime projektesh ndërkombëtare në vit), ndanë me pjesëmarrësit (15 kërkues shkencorë përzgjedhur nga IAL të ndryshme të vendit), eksperiencat e tyre lidhur me dizenjimin e projekt propozimeve, ngritjen e pyetjeve kërkimore-shkencore, gjetjen e partnerëve, identifikimin e problematikave, objektivave, aktiviteteve, indikatorëve matës, vlerësimin e impaktit, qëndrueshmërisë, koherencës së projekteve ndërkombëtare (kryesisht të financuara nga EU).